مال حئیوان بازاریندا
+0 به یه ن
مال حئیوان بازاریندا
مال حئیوان بازاریندا، آت یا ائششک آراجی لارینا جامباز دئیرلر.
جامبازین بیری بیر ائششک‌ین نوخدا سیندان یاپیشیب، گتیرمیش بازارا، آیری بیر جامبازا ساتیرمیش:
“ بو ائششک نئچه؟ ”
“ ایکی یوز مین ”
“ آلدیم، وئر الیوی. آلله خیر وئرسین ”
بیر ایکی نفر آلیجی نین قولاغینا فیسیلداشدیلار کی:
“ کیشی به گؤرمیسن ؟! بو ائششک چولاق دی، اونا گؤره اوجوزا وئردی ”
“ یوخ بابا بو ائششک چولاق دییل، باخین بیر، دیرناقینین آراسیندا داش قالمیش. چولاق سانیب، اوجوزا وئریب ”
ساتیجی نین یانینا قاچمیشلار:
“ کیشی بو چولاق دییلمیش! دیرناغیندا داش قالمیش ایمیش ”
ساتیجی گوله گوله :
“ ائششک چولاق اولماسینا کی چولاق دی، آمما ائلله سانسینلار دئیه، اؤزوم دیرناغینا داش قویدوم ”
آلیجی یا دوغرو قاچیب دئمیشلر :
“ بابا بو ائششک دوغوردان چولاق دیر! داشی دا ساتیجی اؤزو قورموش، باشیوی آللادیب پاراوی آپاردی ”
آلیجی دؤوونمه‌یه باشلامیش :
" آی هرزادسیز! وئردیغیم پارا تقلبی اولماسایدی، باشیما یامان بؤرک کئچه‌جک دی ها!"
بیزیم شنبه بازاریندا بونا آلیش وئریش دئییلر!
سؤزلوگ :
آراجی : دلّال
نوخدا : افسار
آلیجی : خریدار
ساتیجی : فروشنده
دؤوونمک : آه و زاری کردن
