مبعث بایرام گونی بوتون دوشونجه لی اینسانلارا و موسولمانلارا قوتلو اولسون


تؤرک دیلینی اؤیره نین، چونکو اونلارین حاکمیتی چوخ اوزون سؤره جکدیر." پیامبر اکرم(ص)

حضرتی محمّد بشره نه گتیریب؟

الله بۆتون پئیغمبرلری اینسانلارین هم دۆنیا، هم ده آخیرت سعادتینه دعوت ائتمک اۆچون گؤندریب. اوْنلارین هر بیری بشریتین مروز قالدیغی اخلاقی تنززولدن خلاص ائتمک مقصدیله هئچ کیمدن منفت گؤزله‌مه‌دن حیاتلارینی اوْرتایا قوْیوبلار. بۆتون پئیغمبرلر بشری یارادیلانلارا دئییل، یارادانا قۇللوق ائتمه‌یه چاغیریبلار. اوْنلار اللهین امرلرینی اینسانلارا چاتدیریب، چاتدیردیقلارینی دا اؤز حیاتلاریندا یاشایاراق باشقالارینا نۆمونه اوْلوبلار. پئیغمبرلر ان اعتبارلی، اۇزاقگؤرن، دۆروست، عاغیللی و گۆناهدان اۇزاق اینسانلار اوْلوبلار.

اوْنلار اللهین بۇیروقلارینا گؤره یاشاییب و وظیفه‌لرینی یئرینه یئتیردیکدن سوْنرا هامی کیمی دۆنیالارینی دیَیشیبلر. پئیغمبرلرین ایلکی حضرتی آدم، سوْنونجوسو ایسه حضرتی محمّددیر. هر ایکی پئیغمبرین آراسیندا آنجاق اللهین بیلدیگی سایدا ائلچیلر گلیب - گئدیب.

ایسلام دینی پئیغمبرلر آراسیندا هئچ بیر فرق قوْیمور. قۇرآنی-کریمده ده بئله بۇیورولور: «بیز اوْنون پئیغمبرلری آراسیندا فرق قوْیموروق» («بقره» سۇره‌سی، 285). مۆسلمان اوْلان شخص نه حضرت مۇسانی، نه حضرت عیسینی، نه ده حضرت محمّدی بیر-بیریندن فرقلندیره بیلر. حتی ایسلاما گؤره، پئیغمبرلردن هانسیسا بیرینی اینکار ائدن شخص دیندن چێخمیش ساییلیر...

حضرتی محمّدین هانسی یئنیلیگی گتیردیگی مسئله‌سینه گلینجه... بۆتون پئیغمبرلر - حضرت مۇسا، حضرت عیسی و باشقالاری نه گتیریبسه، حضرت محمّد (س) ده عینیسینی گتیریب. بۇ عینی اوْلانلاردان باشقا، حضرتی محمّد بۆتون بشره گؤندریلدیگی اۆچون بعضی عۆموم‌ بشری پرینسیپلری ده علاوه‌ ائدیب. اوْنون گتیردیگی ان بؤیوک معجزه‌ و یئنیلیک قۇرآنی-کریمدیر. قۇرآن ائله بیر کیتابدیر کی، اوْرادا اوْلان علمی معجزه‌لری هئچ بیر دینین حاضیرکی مۆقدس کیتابیندا تاپماق مۆمکون دئییل. قۇرآن یئگانه مۆقدس کیتابدیر کی، اوْنون بیرجه حرفی ده دیَیشدیریلمه‌دن گۆنوموزه قدر گلیب چاتیب.

بو گۆ زل مقاله نین بوتونونو قایناقدا اوخویون لوطفن : بوردا