یالانچیلارین چٶرچٶکو (حکایه سی)
+0 به یه ن
یالانچیلارین چٶرچٶکو (حکایه سی)
1- بیرگون بیر یالانچی بیر مجلسده دئدی :منیم آتام مین بیربویوک طویله سی وار ایدی کی آت طویله نین بو باشیندا بوغاز اولسایدی اوباشینا یئتیشه نه تک دوغاردی.
بیری یئریندن قووزانیب دئدی : اوکی بیر زاد دییل منیم آتا مین بیر اوزون آغاجی وار ایدی هر واقت گوی بولوت اولسایدی او آغاجی اوزالدیب بولوتلاری داغیداردی.
اوولکی یالانچی دئدی : په آتووینان یالان صاحابی. او یئکه لیکده آغاجی هارا قویاردی؟
ایکینجی یالانچی دئدی : سنین آتانین طویله سینه.
..........
2- ایکی یالانچی
ایکی یالانچی دانیشیردیلار. بیری دئدی منیم آتام مسگر ایدی. بیر یول بیر قازان قاییتدیردی کی قیرخ نفر او قازانین ایچینده چکوش (چکش) وویوردی، اما اونلارین سس لری بیربیرینین قولاغینا یئتیشمیردی.
اوبیریسی دئدی : اولاردا! منیم ده آتام اکینچی ایدی. بینه اکردی. بو بینه لر ائله یئکه اولاردی کی، بیر یول بیرینی چیخارتماغا، اللی بویوک که ل (اوکوز) باغلادیلار.
اوولکی یالانچی دئدی : آخی بو یئکه لیکده یالان اولار؟ او یئکه لیکده بینه نی هاردا پیشییردیلر؟
ایکینجی یالانچی دئدی : سنین آتانین او میس قازانیندا.