داد ائیلمه هی آغلاما آقای موعللیم
+0 به یه ن
* علیرضا رضایی
داد ائیلمه هی آغلاما آقای موعللیم!
هرگون اورگین داغلاما آقای موعللیم !
پولا اورگین باغلاما آقای موعللیم!
گرمدرسه لر دایر و ویران اولور اولسون
اؤیرنجی اگر دیپلم و نادان اولور اولسون!
آخیر سنه نه بانکی اگر عرشه چاتیبدیر!
کارمند فلان ایش یئرینه ائوده یاتیبدیر!
بیت المالا، ارباب رجوعاهی ال آتیبدیر!
غم،اختلاس و رشوه فراوان اولور اولسون
اؤیرنجی اگر دپیلم و نادان اولور اولسون!
یاندیرما اورگ مدرسه دَه یوخسول آداما!
باخ درس اوخوموش دوکتورا او اوغرو عواما!
غفلتدَن آییل، فوری یاپیش لب کلاما
یوخسول، الی بوش فاقدتنبان اولور اولسون!
اؤیرنجی اگر دیپلم و نادان اولون اولسون!
دولت سیزه پول بخش ائله مَز دولسا خزانه!
کارمندلره گرچه وئریب ثروت و خانه!
جان وئرسه موعللیم دَه دئیر صبح و شبانه :
اؤیرتمن اگر پولسوز و بی جان اولور اولسون!
اؤیرنجی اگر دیپلم و نادان اولون اولسون!
صد در صد بیر مدرسه آمار قبولی!
تحویل وئریب جامعه یه مطرب ولولی!
لیسان آلیب چونکی وئریب مدرکه پولی!
دانشجو اگر ایش سیز و حیران اولور اولسون!
اؤیرنجی اگر دیپلم و نادان اولور اولسون!
باش چالما داشا حقیّوی دولت سنه وئرمَز!
موفته یا اوجوز دوغراما، ات مَت سنه وئرمَز!
پول ایستمه جانیم بجر آفت سنه وئرمز!
هم مدرسه هم ائوسنه زندان اولور اولسون!
اؤیرنجی اگر دیپلم و نادان اولور اولسون!
سؤزلوگ :
اؤیرنجی : دانش آموز
اؤیرتمن : معلم
آییل : بیدارشو
یوخسول : فقر،ندار
لولی : کولی
دوغراما : هرنوع غذایی که درآن نان راداخل قاتق خردکنند( مثل تیلیت، آبگوشت و..)
قایناق : بوردا
طنز پرداز : علیرضا رضایی