جوْجوْ خان (چوْو خان )

چوْو خان (Çov xan) / جوْجوْ خان (Coco xan) ؛ بیر سیاسی موباریز اولاراق؛ خوراسانین درگز ولایتینده قاجار سلطنتینی نین سون ایللرینده یئرلی خانلارین علئیه ینه قیام ائتمیش و حاکیمی درگزده‌ن قوْوموشدی. سوْنرا روُسلار، محمدعلی ‌شاهدان حیمایه اوٍچون نامردجه‌سینه اؤلدورولموشدور. اوْنون شأنینده یارانان یئرلمه لر ایندی ده خوراساندا دیللر ازبریدیر. باخشی لار تویلاردا و بایراملاردا "دوتار" ایله جوْجوْخان یئرلمه سئ نی اوْخویارلار.

قایناق : ﺗـﯚرک‌‌ خوْراسان اؤلکه‌سی

جوجو خان خانلارین خانی
دره گز ده یوخدور سانی
اوره کده قالدی آرمانی
حاییف سندن اؤلدون جوجو

 سنین تکین ننه دوغماز
فلک داشی داشا قویماز
نامرد جوانمردی سئومز
حاییف سندن اؤلدون جوجو

 دره گزی آلدین بوتون
 یوخدو رشید سنین تکین
حلال اولسون امن سوتون
حاییف سندن اؤلدون جوجو

اطرافینی سالدات توتدو
سنین باختین نجیر یاتدی
خانلار سنی ارزان ساتدی
حاییف سندن اؤلدون جوجو

آتین باتلاقلارا باتدی
گولله دئیدی گؤزون یارتدی
حاییف سن دن اؤلدون جوجو