یازار : رحمتلیک دوکتر جواد هیئت

شهریار گنج کن باشقا تورک شاعرلری کیمی محیطین تاثیریله شعرلرینی فارسجا یازاردی. بیر گون آناسی دئییر کی :

اوغلوم : من سنین یازدیغین شعرلری آنلامیرام. منیم دیلیمنده یاز کی من ده باشا دوشوم. او آناسی نین تاثیریله حیدر بابانی آنا دیلینده یازدی و بیر شاه اثر یاراتدی.

شهریار حیدربابایا سلام اثرینده خلقی بیرلییه چاغیریر و او اوزاق دوشن ائلله بیر اولماغی آرزو ائدردیر :

حیدر بابا گویلر بوتون دوماندی

گونلریمیزین بیر بیریندن یاماندی

بیر – بیریزدن آیرلمایین آماندی

یاخشیلیغی المیزدن آلیب لار

یاخش بیزی یامان گونه سالیبلار

بیر اوچایدیم بو چیرپینان یئلینن

باغلاشایدیم داغدان آشان سئلینن

آغلاشایدیم آیری دوشن ائلینن

بیر گوره یدیم آیریلیغی کیم سالدی

اولکه میزده کیم قیریلدی کیم قالدی ؟

سونرا حیدر بابایا خطاب ائدره ک خلقینی مبارزه یه چاغیریر و دئیر :

حیدر بابا مرد اوغولار دوغگینان

نامرد لرین بورونلارین اووگینان

گئدیکلرده قوردلاری توت بوغگینان

قوی قوزولار آیین – شایین اوتلاسین

قویونلارین قویروقلارین قاتلاسین

حیدر بابایا سلام اثری استاد شهریارین یاردیجیلیغیندا بیر دونوش نقطه سی اولدو . اونا بؤیوک(کاتا) شهرت گتیردی. بو اثر عینی زماندا گونئی آذربایجاندا آنا دیللی ادبیاتین، خصوصیله شعر انکیشافینا گئنیش یول آچدی. گونئی آذربایجاندا شاعر و یازیچلاریمیز اکثرا اثرینی آنا دیلینده یازماغا باشلادیلار.

تهراندا بیزده قالدیغی زمان ایران شاهی نین خانیمی شهبانو فرح کٶمک چیسینی بیزه گوندردی و شهریاردان ایسته دی کی شهریار تهران دا بیر ائو السین. شهریار قبول ائتمه دی و اونا دئدی کی : شهبانویا سلام سویله و دی کی، من دکتر جواد بیین ائوینده راحاتام و شهبانو منه کمک ائتمک ایسته ییرسه، امر وئرسین منیم تورکجه شعر مجموعه م ده چاپ اولسون. اونون گلیریندن من اوزومه ائو ده آلاریام .

اونون آذربایجان شعر خلقینی آزادلیغا و بیر لشمه یه چاغیریر و بیر مبارزه هیمنی کیمی سسله نیر.

کونلوم قوشو قاناد چالماز سن سیز بیر آن آذربایجان

خوش گونلرین گئتمیر مدام خیالمیندان آذربایجان

بوتون دنیا بیلیر سنین قدرتینله دؤلتینله

آباد اؤلوب، آزاد اؤلوب ملک – ایران، آذربایجان

یارب، نه دیر بیر بو قدر اورَه کلری قان ائتمه یین

قولو باغلی قالا جاقدیر نه واختان جان آذربایجان ؟

ایگیدلرین ایران اوچون شهید اولوب عوضینده 

درد آلمیسان، غم آلمیسان سن ایراندان، آذربایجان

اولادلارین نه وقته دک ترک وطن اؤلاجاقدیر؟

ال اله وئر عصیان ائله اویان اویان اذربایجان

بسدیر فراق اودلاریندان کول الندی باشیمیزا

دور آیاغا یا آزاد اول یا تمام یان آذربایجان

شهریارین اورَه یی ده سنین کی تک یارالی دیر

بو وارلیق دیر منه ملحم سنه درمان آذربایجان