اوریم مشهدی ایستیر، یا امام رضا (ع) اوریم توتولوبدی

یا ثامن الحجج آدیوین چوخ صفاسی وار

عاشقلرین دیلینده رضاجان صداسی وار

ای تاجدار ملک خراسان غریب آقا

صحن و رواقیوین عجب عالی هواسی وار

شیعه بو قبری جنتّیله ایلمز عوض

جنّاتی نیلیور اوکی سن تک آقاسی وار

چوخلار بو بارگاهیوه امّیدیله گلر

بوردان سورا گلنلرین آیا هاراسی وار

چوخلار که کربلایه الی چاتماسا دیَر

یوخ عیبی طوسیده آقامون کربلاسی وار

ای نسخه سیز طبابت ایدن دردمندینه

هر چاره سیز مریض اولا سنده دواسی وار

باب الحوائج اوغلوسان ای معدن کرم

هانسی شهون سنون کیمی لطف و عطاسی وار

قایناق : تورک اؤلکه سی