آهنگ و متن ترانه ترکی یاریار درگز

قیزه گلن ینگگه لر،         بیر آز دورسون یار یار

آغ سوت وئرن ننه سی،  راضی اولسون یار یار

********

باغیمیزدا اوزوم لر،   پیشیپ دئلن یار- یار

تپه سینده بولبول لر، ایچیپ دئلن یار- یار

********

کوجه باغینگ گردنئ،   یئل گوترر یار یار

ایندی سنینگ نازییئ، کیم گوته رر یار یار

********

سبد سبد اوزوم لر،            چپلی اولار یار یار

آلسانگ بئی یئنگ قیزینی، گپ لی اولار یار یار

********

کینه خرابه ییخلدئ،  توزونا باخ یار یار

قیز آنادان آریلدی،    دردنه باخ یار یار

********

ییغلامه قیز ییغلامه،   تــوی سنینکدئ یار- یار

بـوساغاسی قیزیل دان،  او سنینکدئ یار- یار

********

قورئ یئره سو وئرمه،   اوپه ر گئدر یار یار

اوزاق یئره قیز وئرمه،    قوپار گئدر یار یار

********

دؤرت قولاقلی قازانلار، دولدئ چاشدئ یار یار

کورکن زورلی چخدئ،    آلدئ قاشدئ یار یار

********

پیغمبرین قیزینئ،             علی (ع) آلدی یار- یار 

قیز آلماق و قیز وئرماق،   اوننن ائله قالدی یار- یار

********

دؤرت طرفدان دوست گلن،   توی دور بوگون یار- یار

گیدین گورین کورکن،          بئی دئ بو گین یار- یار

********

ایکی صاندیق یان به یـان،  قـولفی تـولی یـار- یـار

بیزدن سیزه قیز گلر،          زؤلفی تـولی یـار- یـار

********

 آفتافاده، سوو قویدوم،    دورولوتدی یار- یار

گئدین گورین، ﻛوره کن،  ﮔیل اولتدئ یار- یار

********

آت گترین آتلنسن،                  آت کهر یار یار

روخصت وئرین قیز چخسن،  اولدئ سحر یار یار

********

یوخاری دن گلسن،  چکمه یه چک یار یار

ایندئ قیزی یه ارتمیز،  ایچییه چک یار یار 

********

ساندیق ساندیق قتلمه،   قتله نه د  یار یار

ایچ باجی دن بیرسئ،       آت لنه د  یار یار

********

 گــــد ین دیین گلینه،     ییغلامـاسین یــار- یــار

ننه سی نینگ باغرینی،  داغلاماسین یــار- یــار

********

قیزیل قیزیل خوراز لار ،    خرماندا دیر یار یار

قیز گیرمئ ین اوغلان لار،  آرماندا دیر یار یار

 

آدرس آهنگ ترکی یار یار درگز : اینجا