دیلیم هارالیدی اورالیام من
سه شنبه 2 تیر 1394

باخمایئن ائلیمدن ارالیام من
دیلیم هارالیدی اورالیام من
سانمایئن ائللریم پرم پرمدی
تبریزیم اصلیدی باکی کرمدی
اولکه لرشعریدی شاعر قلمدی
بابکین نبی نین مدالیام من
دیلیم هارالیدی اورالیام من
بدنیم بولونوب اوره گیم آغریر
قوللاریم کسیلیب بیله گیم اغریر
دوست ویریب خنجری کوره گیم آغریر
قیر قیزام. گورجویم . خوجالیام من
دیلیم هارالیدی اورالیام من
بیرقیسیم اوره گم تیکه لنمیشم
بیر ائووج قان اولولوب سپه لن میشم
جؤوشلانیب دنیز تک لپه لنمیشم
ایندیسه هاردایام اورالیام من
الان کی بوردایام بورالیام من
هوشنگ جعفری