ابتدا اولسون ((الفدن)) اصل ایماندور علی
+0 به یه ن
ابتدا اولسون ((الفدن)) اصل ایماندور علی اللری الله الی کانون احساندور علی
((با))بقاسی بی زوال وبخششی بحر وسیع باج آلان بالدان آدی باب یتیماندور علی
((تا))تواضع تاجی باشدا توپراق اوسته اگلشن تارک تقواده تک خورشید تاباندورعلی
((ثا))ثناسین ثبت ائدن قرآن دا ذات کبریا ثانی ختم رسل حقه ثنا خواندور علی
((جیم))جهاندا جلوه گاه نور جانان جبهه سی جانی جان مصطفی هم جان جاناندورعلی
((حا))حیا و حلمینه حیران هامی حور وملک حامی حق و حقیقت حقه میزاندور علی
((خا))خطرده ختم مرسل بسترینده خواب ائدن خیرخلقت،خلقی احسن،خیری خواهاندورعلی
((دال)) دانای دیانت، دیده دنیادان دویان دللرین امراضینه دارو و درماندور علی
((ذال))ذلت ذوالفقاری گوسترن مشرکلره ذات حق شیری جدلده شیر غراندور علی
((را))ره حق رهنوردی،رهنمای راه راست رادمرد رستگار و رکن ایماندور علی
((زا))زمانه کامینه زهر اولدی زیبا زاهدین زهره زهرا غمینده زار و گریاندور علی
((سین))سعادت سالکی،سبطین آتاسی سرفراز ساقی کوثردی هم سیمای سبحاندور علی
((شین)) شهید مسجد و شاهنشه شهر شرف شمس دین وشیرحق و شاه خوباندور علی
((صاد))صیاد قلوب و صابر و صاحب نظر صورت صدق وصفای خلد رضواندورعلی
((ضاد))ضدظلم وظلمتدورضیاسی اول شهون ضیغم روشن ضمیر و نور رخشاندور علی
((طا))طهوز و طیب وطاووس جنت آشیان طایر اوج فضیلت ، تیغ براندور علی
((ظا))ظلال رحمت حق،ظالمه عالمده خصم ظاهر و باطن امامی فخر دوراندور علی
((عین))عبد عالی و اعلای علام الغیوب عابد شب زنده دار و عدل عریاندور علی
((غین))غالی چون غلط فکر ایلیور غرقابیده غیرة الله الاحد دور غیر یزداندور علی
((فا))فضیلتده فرید و فر فوق نه فلک فخر دوران ، فایض فیض فراواندور علی
((قاف))قصدی قلبیده ، قرآن قوامی دهریده قله قافون هماسی ، قلب قرآندور علی
((کاف))کفو فاطمه ، کان کمالات و کرم کیم بیلورکیمدوراوشه،چون گنج پنهاندورعلی
((لام))لبریز و لبالب قلبی عشق حقدن لن یری الدنیا نظیره ، لعل رخشاندور علی
((میم))مولود میان کعبه ، مولای ملل مقتلی محراب مسجد ، شاه مرداندور علی
((نون))نسیم رحمت حق،نیت و خلقی نکو ناطق نام آور و نور نمایاندور علی
((واو))وصفین ایلیوب قرآندا وهاب ودود والی والا مقام کون و امکاندور علی
((ها))هدایت مشعلی ، سلطان ملک هل اتی هود و داود و خلیل و خضره سلطاندورعلی
((یا))یم بی ساحل جود و کرم،یعسوب دین یعنی یکتا یاور آئین رحماندور علی
قالمیسان آواره((ثاقب))قیل سن عجزه اعتراف گرچه انساندور، ورای فکر انساندور علی
قایناق : تورک میلتی
