قدر گئجه‌سی‌نین عمللری
+0 به یه ن
قدر گئجه‌سی‌نین عمللری
1. غوسل ائتمک. غوسل ائدرکن بئله نیت ائتمه‌لی‌دیر: "احیا گئجه‌سی‌نین غوسلونو ائدیرم قوربتن ایلاللاه". بو غوسلون بؤیوک ثوابی واردیر.
2. سحره قدر اویاق قالیب عیبادتله مشغول اولماق. سحره قدر اویاق قالیب عیبادتله مشغول اولماغین معناسی بودور کی، اینسان دئییر: "ایلاهی، سن بو گئجه منه قورآن نازیل ائدیرسن و من ده بو گئجه سحره قدر اویاق قالیب اونو قارشیلاییرام."
3. مسجیده گئتمک. مسجیده گئتمگین معناسی بودور کی، اینسان اؤز مقصدینی تعیین ائدیر. یعنی: "ائی آللاهیم، بو گئجه من فساد و پوزغونلوق اولان یئرلره گئده بیلردیم. لاکین من سنین راضی‌لیغینی قازانماق اوچون سنین ائوینه گلمیشم و گله‌جک خوشبختلیگیمی موعین‌لشدیریرم."
4. قدر گئجه‌سی‌نین نامازی، قدر گئجه‌سینده قیلینان نامازین بؤیوک شرافتی واردیر. قدر گئجه‌سی‌نین نامازی شام و خیفتن نامازلاری ایله صوبح نامازی آراسین‌داکی واختدا قیلینیر. قدر گئجه‌سی‌نین نامازی‌نین قایداسی بئله‌دیر:
نیت: "قدر گئجه‌سی‌نین نامازینی قیلیرام قوربتن ایلاللاه". صوبح نامازی کیمی ایکی رکعتلی‌دیر. لاکین هر حمد سوره سین‌دن سونرا 7 دفعه موبا‌رک "اخلاص" سوره‌سی اوخونما‌لی‌دیر. نامازی قورتاردیقدان سونرا آلینی سجده‌یه قویا‌راق یئتمیش دفعه "استغفرالله و اتوب الیه" دئییلیر.
ایمام صادق (ع) بویورور: "هر کس بو نامازی قیلدیقدان سونرا سجده‌یه گئدیب یئتمیش دفعه " استغفرالله و اتوب الیه" دئیرسه، سجده‌دن قالخمامیش الله تعالا اونون اؤزونون و آتا-آناسی‌نین گوناهلارینی باغیشلایار."
5. قورآنی باشا قویوب الله تعالا، پیغمبرین و ایماملارین آدلارینا آند وئرمکله الله تعالا گوناه‌لاری‌نین باغیشلانماسینی، دونیا و آخیرت ایستکلرینی بیلدیرمک. بو عملین معناسی الله تعالا اینسان اوچون گؤندردیگی کیتابی باشی اوسته قورویوب ساخلاماق دئمکدیر. یعنی: " ائی آللاهیم، سن منه حؤرمت ائدیب کیتاب گؤندریرسن، من‌ده اونو اؤزوم اوچون رهبر و یول گؤرسه‌دن تعیین ائدیر و اونو همیشه باشیم اوستونده قورویوب ساخلایاجاغام ".
حضرت پیغمبر (ص) بویورور: "هر کس قورآنی اؤزونه رهبر ائتسه، قورآن اونو جنّته آپارار. هر کس قورآنی آرخادا قویسا و اونو اؤزونه رهبر ائتمه سه، قورآن اونو جهنّمه طرف یؤنلدر." (یعنی، هر کیم قورآنی اوخویوب اونا عمل ائدرسه و اونا تابع اولارسا، قورآن اونو جنّته آپاریب چیخارار. لاکین قورآنا تابع اولمایان شخص، قورآن اوخوماغینا باخمایا‌راق، جهنمه واصیل اولار.)
قورآنی باشا قویوب الله تعالا و 14 معصوما آند وئرمگین معناسی بودور کی، "ائی آللاهیم، من سنه و سنین ان ایستکلی بنده‌لرینه آند وئریب توبه ائدیرم و سندن اؤز ایستک و احتیاجلاریمی دیله‌ییرم
یازان : حجت الاسلام میرزه عبدالصمد ملکی
