خوراسان خالق بایاتیلاری 5
+0 به یه ن
خوراسان - درگز آذربایجانیلری‌نین ترانه‌لریندن:
۱- اوزوکیمدیر فیروزه،
گئدون دییون خوروزه
بو گئجه بانلاماسون،
یاریم گله‌جاق بیزه.
۲ - دام داما‌دور دامیمیز
قوشادور ائیوانیمیز.
سن اوردان باخ، من بوردان.
کور اولسون دوشمانیمیز.
۳ - پنجره‌دن داش گلیر.
خومار گؤزدن یاش گلیر.
سنی منه وئرسه‌لر.
آللاها دا خوش گلیر.
۴ - گؤیده اولدوز آلتمیشدی،
آلتمیشی ده باتمیشدی.
گیتدیم اوزوک چکدیرم،
زرگر اوغلان یاتمیشدی.
۵ - یاریم اوخشار جئیرانه.
زولفین دارار بیر یانه.
اوخی بولبولوم اوخی.
بلکه یاریم اویانه.
۶ - باغدا چیخان نعنایم،
گول اوسته پروانه‌یم.
اوچ گوندی گؤرمه‌میشم.
دلی‌یم، دیوانه‌یم.
۷ - قیزیل اوزوک لاخلادی،
وئردیم آنام ساخلادی.
آناما قوربان اولوم،
یاری قوناق ساخلادی.
۸ - یاریم گیدوب اویونا،
قیزیل سالیب بوینوننا.
اوینار گوزل نار اوینار،
قوربان اولوم بویونا.
(سید علی میرنیا، ایلات و طوایف درگز - جلد دوم - مشهد 1363، ص 174)