ییغدی قیزیلباشلارینی باشینا
چاتمیش‌ ایدی تازه اون‌اوچ یاشینا

بویدا اوجا، اوزده گؤزه‌ل، گؤزده خوش
آی کی دئییل، گون دولانیر باشینا

قلبی ایشیق، کؤنلو اوجاق قورآن´
کیم کی گؤرور سجده ائدیر قاشینا

باشلادی «گیلان»لا «تاریم»دان گلیب
«اردبیل»ه، آغلادی قارداشینا

اردبیل اوغلو، صفی‌الدین بویو
قویدو باشین شیخ صفی´‌نین داشینا

آندی بیر آن «حئیدر» آتاسین دئدی
اؤج آلارام! آند ایچیره‌م آشینا

آلدی قیلینجین اله حئیدر کیمی
ییغدی قیزیلباشلارینی باشینا!

شاعر: ؟؟