بارماق لارین دانیشیقی : هر بیریمیزین اهمیّتی بار
+0 به یه ن
هر بیریمیزین اهمیّتی بار(وار)!
الین بئش بارماغی آراسیندا ایختیلاف دوشور. اونلارین هر بیری ایستیر آن کاتا (بؤیوک) اولسون .
باش بارماق دوروب دئییر : « بو ایشین بحثه احتیاجی یوخدور. من ایسته‌سم سیزدن آیریلام, سیز بوتونلوکده بیر کفه‌یه بنزیرسیز و من تکلیکده بیر آیری کفه‌یه بنزیرم. سیز نؤکرسیز و منه یاخینلاشا بیلمزسیز. من سیزین آغازام, البته من بارماقلارین ان کاتاسیام.»
ایشاره بارماق مسخره ایله دئییر: « ریاست یئکه‌لیکله اولسایدی, اوندا فیل اینسانا موسلّط اولاردی و اونلارین کاتاسی حسابلاناردی. البته من ایشاره بارماغی‌یام. ائله بارماق کی منیمله امر و نهی اولار. رئیس بیر شئیه ایشاره ائدنده و یا بیر ایشه امر ائدنده منی ایشلدر. پس من رئیسلیگه داها موناسیبم. »اورتا بارماق گولوب دئییر: « منیم حضورومدا نئجه ریاست اوچون موباحیثه ائدیرسیز؟ بیر حالدا کی من هامیدان اوزونام. منیم یانیمدا کوله‌لر کیمی دایانیبسیز. لازیم دئییل کی سیزین منه احتیرام قویماغیز اوچون سیزدن خضوع ایسته‌یم. چونکی منیم داعوایا احتیاجیم یوخدور. »
نیشان بارماغی هیجانلا دئییر: « قارداشلار منیم یئریم هارادیر؟ باخین گؤرون اوزوک, بارماقلار سولطانی و اونلارین موسلّم آغاسی یعنی منده پاریلدیر! »
نهایتده جیله بارماق دانیشماغا باشلایاندا هامیسی تعجوبله ساکیت دایاندیلار. بو کیچیک بارماق نه دئدی؟
جیله بارماق دئدی: « قارداشلاریم منه قولاق آسین! من باش بارماق کیمی کاتا دئییلم بلکه هامیزدان بالاجایام. و ایشاره بارماغی کیمی امر نهی ائله‌میرم. اورتا بارماق کیمی اوزون دئییلم بلکه هامیزدان کوله‌یم. نیشان بارماغی کیمی نیشان اوزوگونون ایفتیخارینا ناییل اولمامیشام. من هامیزدان کیچیگم, هامیز خیر ایش اوچون بیرلشنده, منده موستقر اولورسوز, و من هامیزی داشی‌ییرام. »
بو زمان هامیسی بیلدیلر کی آیریلارینا کؤمک ائدیب اونلارلا قالان کیمسه, هامیدان اوستوندور و احتیراما لاییقدیر.
