یازار : آلتین قوچانلی

بیر گؤزل هاتیرا (خاطره ای زیبا)

بیزیم کندده (قالادا) بیر اوغلان بار (وار) ایندی قربخ (۴۰ ) یاشیندا اولور. مونون آدی روح الله داش دمیر یادا داش گه میر دیر. گمیرماق خوراسان تورکجه سینده ائله داش یا برک (سفت و سخت) شئیی الده توتوب دیل ووروب و یالاماق دیر. رحمتلیک آتامدان روح الله نین گؤزل لقبینی یاراتدیغینی سوروشدوم. دئدئ : اوغلوم جان، نئچه ایل موندان قاباخ گئدمیشدیک چؤله آرپا بجین و درماغینه. روح الله آتاسینان گلمیشدی اؤز بئیجه لرینه (مزرعه). سورا بیر چوپان بولارین آرپاسینا داوار بوراخیر. روح الله غرورلانیب قاچا قاچا و چاپا – چاپا، گئده داوارلاری آرپادان چیخارسین. چون الی بوش گئدمیشدئ و حیوان داوارلار، چوخ آج ایمیش لار، آرپانی ایچیندن چئخمئردیلار. آتاسی قئشقیریر : ی های روح الله٬ اوغلو بالام٬ داشنان وور٬ بودا آتاسینی بویوردیغینی بوجور ائشیدیر : روح الله اوغلوم داش دمیر٬ داش گه میر. خیلاصه روح الله حیران قالیب بیلمیر ده ش هانی دمیر هانی. گاهدا داشی گمیریردی. اوندن سونرا روح الله نی آدی اولدو روح الله داش دمیر. یادا ده ش گه میر.