چال عاشیق چال سازینی
+0 به یه ن
چال عاشیق چال سازینی
یازان: علیرضا ناب دل – اوختای
چال عاشیق سازینی، اوره گیم دولوب
بعضا اینسان ایچون درمان بو اولور
سازین نغمه لری آخسین کونلومه
یوخسا چیچکلریم عطش دن سولور
(عاشیق سازت را بزن قلبم پر شده است
گاهی این درمانی برای دردهای انسانست
بگذار نغمه های سازت در روحم جاری شو
و گرنه شکوفه هایم از غم پلاسیده خواهد شد)
چال عاشیق سازینی، بلکه سازیندا
اومودسوز حیاتا بیر اومید تاپیم
گل عاشیق سازیندا صبردن دانیش
بلکه دؤزمک درسین آغزیندان قاپیم
(عاشیق سازت را بزن شاید در نغمه هایت
برای ناامیدی های زندگی امیدی بیابم
عاشیق بیا و در سازت از صبر بگو
بلکه درس صبوری را از دهانت بقاپم)
بیلیرسن آی عاشیق دردیمیز بیردیر
گل گئدک سازیندا عشق دن دانیش
سیم لرین دیلی ایله خلقی هارایلا
گل بو درده منله بیرلیکده یانیش
(عاشیق میدانی دردمان یکی است
بیا برویم و در سازت از عشق بگو
با نوای سیم ها مردم را فراخوان
بیا با من در باره این درد هم فکری کنیم)
گل عاشیق بو آخشام داغلار باشیندا
نغمه لر سؤیله یک گوزللر ایچون
گل عاشیق بو آخشام عاشیق اولانا
دئیه ک غم چکمه یین دولدوروب ایچون
(ای عاشیق بیا امشب در قلل کوه ها
در باره زیبا رویان نغمه ها بسراییم
بیا عاشیق امشب به عشاق
بگوییم غم نخورند و پیاله پر کرده و بنوشند)
سحره جک چالیب، اوخویاق عاشیق!
بلکه اوره کده کی یارا بیتیش سین
چاخیرلاشیب چالاق اوجا سس ایله
قوی عاشیق سسیمیز یارا یئتیش سین
(تا صبح بزنیم و بخوانیم
شاید قلب زخمی مان التیام یابد
می زده و با صدای بلند بنوازیم
شاید صدایمان به یار برسد)
اولدوزلارلا اولاق بو گئجه همدم
اولکردن گل آلاق عشق الهامینی
بو گئجه چاغیراق تام عاشیقلاری
چاخیرا، چالقییا ییغاق هامینی
(امشب با ستارگان همدم شده
و الهام عشق را از اولکر (ستاره سحری) بگیریم
امشب تمام عاشیقان را فرا بخوانیم
برای می زدن و نواختن همه را جمع کنیم)
اینسان دردلرینی گل سازیندا چال
دوزوملی عاشیق لاردان حکایت ائت
گل، بیزه آی عاشیق عشق درسی وئر
اومیدسیز ساعاتدا دردیمیزه یئت
(دردهای انسان را در سازت بنواز
از عاشیق های خوب حکایت کن
بیا ای عاشیق بما درس عشق بده
در ساعات نا امیدی به دردمان برس ).
