تورکم منه چوخ فارسی قیریلداتما آی اوغلان
+0 به یه ن
تورکم منه چوخ فارسی قیریلداتما آی اوغلان
چوخ ییـرغالانیـب قاش گوزونو آتما آی اوغلان
هرزه گـولـو ائـل گـولـلرینـه قـاتمـا آی اوغلان
تورکم منه چوخ فارسی قیریلداتما آی اوغلان
تورکم منه چوخ فارسی قیریلداتما آی اوغلانعلم اولماسا موشگول دونوب آسان اولا بیلمز
ائـلـلر سؤزودور تولـکودن اصـلان اولا بـیـلمز
ائل درد و غمین قانمـایـان اینسان اولا بـیلمز
هرزه گـولـو ائـل گـولـلرینـه قـاتمـا آی اوغلان
تورکم منه چوخ فارسی قیریلداتما آی اوغلان
آرتیـق چالیـشیب دوزلره اوخشـاتما یـالانی
تـورکـون آتـیـنا تیـکمه یـاراشـدیـرما پـالانی
آز بـیـلمه دمـاونـدیـدن اوغـلان ســاوالانی
ائل قارغیش ائدر بوغدا وئریب ساققیز آلانی
میـسدن اؤتـری آغ قیزیلی ساتما آی اوغلان
تورکم منه چوخ فارسی قیریلداتما آی اوغلان
باخ تاریخه گؤر کیم ده ده وه خور باخیب اوغلان
اینسـان آدینـی دفتـره کیـم یـازدیـریـب اوغـلان
کیـم بــابـکی سـاتـدی عربـه خانـه سی ویران
کیـم ائـتـدی خیــانـت بـؤلـونـوب آزربــایـجــان
غفـلت یـوخوسونـدا بو قدر یـاتـما آی اوغلان
تورکم منه چوخ فارسی قیریلداتما آی اوغلان
مشروطـه لیـگی کیـم گتیـریب ایـرانا یولداش
ستتار خـانی کیـملر چـاغیریب تهـرانا یولداش
دالدان کیم آتیب گولله نی ستتار خانا یولداش
کیـم قـاره باغی هدیـه وئـریب ایـروانا یولداش
بسدیر باشا دوش باغریمی چاتداتما آی اوغلان
تـورکم منـه چـوخ فارسی قیریلداتما آی اوغلان
بـیـز یـانـدیـران اودلاردا بـو گـون یـانـدی اوشاقلار
پـیـس گـونـده،یـامـان یـئـرده آیـاقلانـدی اوشاقلار
داندیق دیلی بیز ریشه سی نی داندی اوشاقلار
ایـنـدی بـیـزه یـوخ یـادلارا قـوربـانـدی اوشــاقلار
بوش بوش دانیشیب بئینیمی لاخلاتما آی اوغلان
تـورکـم مـنـه چـوخ فـارسی قیـریلداتـما آی اوغلان
من سؤیـله میـرم دیـلـلری اؤرگشـمه دانیشما
یانسین اوره گیم باشی دئسم فارسا قاریشما
آنـجـاق دئـیـیـرم یـادلارا چــوخ یـانـمـا آلیـشـما
هـر کیـم ائـلیـنی دانسا،کوسوب اونلا باریشما
گولسن ، خار اولوب ائل گؤزینه باتما آی اوغلان
تـورکم منـه چـوخ فارسی قیـریلداتما آی اوغلان
دوشـمان اوزووه گـولسه ایـنان تـازه کلک دی
پـروانـه ده یـیر شمـعلـره اوغـلان کپـنـک دی
((آیریلمازا)) واجیب سؤزون آشکارا دئمک دی
تورکون دیلینین اوستادی آللاه دی دئمک دی
شئـیـطـانی اهـورا بـئـلینه چـاتـما آی اوغلان
تورکم منه چوخ فارسی قیریلداتما آی اوغلان
شاعر : آیریلماز
