قربان بایرام ده قربان شو خاطیره سی

(بجنورد - گریوان لهجه سی)

یاخشئ بادیمده دی چاغالیق ده (1340 -1330 ش) آتامنان گریوان قعله سینده حمامه گئدردیم. بیر گین قوربان گینئ ایدی، آتام حمامده منه قوربان شو ایرکدیر دی. بو جوره دیدی : 

1- ایله ی جه ن نیت قوبانشو ائد 

2- اوول سو توکدو باشیمه و دئدی باشینگئ، قلاغ لرینگ ایچ نی دالی سئ نئ، بوی نینگئ یوو و سودن چک  

3- دئدی : ساغ الینگئ کئته یوخاری. منده الیمی کئتردئم یوخاری و سو توکدو و دئدی : بدنین یاری سینئ یعنی اوول ساغ طرفئ یوخاریدن تا آچاغی یه چان یو و سودن چک .

4- دئدی : سول (چپ)الینگئ کئته یوخاری و سو توکدو و دئدی : بدنین یاری سینئ یعنی سول طرفئ یوخاریدن تا آچاغی یه چان یوو و سودن چک 

5- دئدی : اندی دیز دور و باشیمدن تا آیاغیمه چان سو توکدو و دئدی : اندی بوتون بدنینئ یوو و سودن چک. 

حمامدن چیخاندان سونرا گئدی مچیده نماز قوربان جماعتینه. منه مچیدده نماز قوربان اوخوماغی ایرکت دی.

نمازدن سونرا کئدی ائومیزه. آتام بیر ایتدی پیچاق من بیردی دئدی : بونو ائرت بئر قعله نینگ ملاسینه و دئ : قوربان دوعاسئ نئ اوخوسون. اونونن سونرا بیر قوچ کسدئ و قوربالیق ائدی. اونون اتینئ قوهوم – قونشونلارا پایلاشدئ.