تورک اوغلویام، تورکم اوغول

...

بیچیم : گرایلی

سؤز : آشیق موراد نییازلی - Aşıq Murad Niyazlı

یؤره : قوزئی آذربایجان، گؤیچه، شمکیر

...

خبر آلسان اجدادیمی

تورک اوغلویام، تورکم اوغول

منی اَیمز نه یاغلی دیل

نه ده قورو گؤرکم اوغول

تورک اوغلویام، تورکم اوغول.

...

اوچورتما کؤنلوم شهرینی.

بولان‌دیرما غم بحرینی.

چکه‌بیلمز ائل قهرینی.

هر عاغیل‌سیز، هر کم اوغول،

تورک اوغلویام، تورکم اوغول.

...

آشیغام ، هر نه‌یم بویام

اینانما نامرده اویام

آلیشانا سرین سویام

اوشویه‌نه کورکم اوغول

تورک اوغلویام، تورکم اوغول.

...

اصیللری اوز قالاسی

جاوانشیرین بَذ قالاسی

باکی‌داکی قیز قالاسی

تبریزده‌کی اَرکم اوغول

تورک اوغلویام، تورکم اوغول.

...

نییازلی ال اوزمز حاقدان

ایلهام آلار هر صاباحدان

من چیخمیشام هر سیناقدان

پولاددان دا برکم اوغول

تورک اوغلویام، تورکم اوغول.