پاییز ایدی؛ من ایدیم، آتام ایدی؛ آتامین آتاسی ایدی. گئتدیک مدرسه یه. دئدیلر :

- مگر قبلا به شما نگفته بودیم زبان مادریتان را به مدرسه نیاورید؟

پاییز ییغلادی؛ آتام دیشلرینی قیرجانجا سیخدی؛ آتامین آتاسی بیغلارینی چئینه دی؛ من دئدیم :

- آنا دیلی موبایل دیرمی مدرسه یه گتیرمه یک؟

اؤفکه یه ایله اوستوموزه قیشقیردیلار :

- دراز حرف نزنید، زبان رسمی کشور فارسی است.

یعنی، اوزون دانیشمایین اؤلکه نین یاسالی دیلی فارسجادیر. سونرا دیلیمیزی قولتوغوموزا وئریب مدرسه دن ائشیگه اؤتوردولر.

پاییز سارالدی؛ آتام یئره دوشدو؛ آتامین آتاسی وایسیندی. من، باشیمیزا گلنلری هامییا بیلدیرمک اوچون اولانلاری قیرمیزی دیلیمله کاغیذین اوزه رینده یازیب مدرسه نین دیوارینا یاپیشدیرماغی دوشوندوم.

بیلدیری ده یازدیم : پاییز ایدی؛ من ایدیم، آتام ایدی؛ آتامین آتاسی ایدی. گئتدیک مدرسه یه................