ییخیلیب دینین ائوی رحلت ائدیب ختم رسل

چیرپیلیب دین قاپیسی حضرت زهرا باشینا

 

سقط اولوب محسنی ، زهرا اؤزوده اولدی شهید

کول الندی او زاماندان بری دنیا باشینا

 

کربلا فاجعه ‎ سی بذرین اکیب باشلاندی

تا قیامت نه قوپا زینب کبری باشینا

 

مدعی اولمادی فرمان غدیره تسلیم

گؤر نه طوفان گتیریب امّت طه باشینا

 

مشورت امر الهی‏ده اولور می؟ هیهات!

چکدیلر جبریله مولانی دا شورا باشینا

 

حضرت فاطمه‌نین قبری ده مهجور اولدی

چادر عصمتینی سالدی ثریّا باشینا

 

اولار خانه ‎ نشین

دولانار کعبه ده گئتدیکجه کیلیسا باشینا

 

بو اولان ایشدی کی آخشام چاغی، آللاه چوبانی

چؤلده، آللاه داوارین بوشلایا بی جا باشینا ؟

 

امّتین اکثری مصداق «لقد حقّ القول»

او حواری ییغیشانمازدی مسیحا باشینا

 

مسلمین دؤرد نفری مؤمن اولوب سلمان تک

یوسفین عشقی دوشر دیبده زلیخا باشینا

 

شهریار، گلدی حسینین سسی، عاشوراسی

تا دوشه عشق شهادت دل شیدا باشینا

سید محمد حسین شهریار