آنادیلیم

سن شرفیم شوهره تیم سن

عؤمور بویو حسر تیم سن

دؤیوشلرده غیره تیم سن

کیمدیر سنی دانا دیلیم ‌

آنا دیلیم -آنادیلیم

****

یازانمادی الیم سنی

دوغرادیلار دیلیم سنی

قان آغلادئ ائلیم سنی!!

بویانماسین قانا دیلیم

آنادیلیم -آنادیلیم

****

سن ابدی واریم منیم

دارگونومده یاریم منیم

سینه م اوسته تاریم منیم

قالدئ یانا-یانا دیلیم!!

آنادیلیم-آنادیلیم

****

دولوخسانما گه لر سحر

گؤزیاشینئ سیلر سحر

نور ساچینا الر سحر

چیچک له نر آنا، دیلیم

آنادیلیم- آنادیلیم

****

دونیا بویویو کسه ک اوجا

سولیماندان نوحدان قوجا

گووه نیرم من دویونجا

بو شوهره ته شانا، دیلیم

آنادیلیم - آنادیلیم

((دومان))