آی سویوق دان اوْشوْیه‌ن قاردا دوران قیز
جمعه 17 دی 1395
+0 به یه ن
آی سویوق دان اوْشوْیه‌ن قاردا دوران قیز!
نه دوروبسان؟!، نه دُونوبسان؟!
اولما گوْلسن کی سُولوبسان؟!
بلی البته کی گوْلسن!،
نه اولار بیر دفعه گوْلسن؟!
آغلاماقدان سوُنه بیلسن!!
آغلا قوی گؤز یاشین اول قاری اریتسین،
سئل اولوب چایدا یئریتسین،
سسی شاققیلداسین
اول گؤیلره گئدسین، سسینه میللت اویانسین.
آغلا قوی گؤز یاشین اول سئل کیمی آخسین،
هامی دورسون سئله باخسین، بلی آی قاردا دوران قیز!
سن اگر دورماسان اوردا، دونماسان قاردا بوراندا،
او گؤزل قیز نئجه گزسین خیاباندا!،
نئجه یاتسین یوموشاخ تخت خوابیندا!،
سن اگر دونماسان اوردا،
او شهرده سنین هم سیننین اولان قیز،
نئجه راحت گئجه یاتسین!
آخی "شاعیر" نجه یازسین!....
قایتاق : ملانصیرالدین کانالی