هپپلی هپپوو اوغلانین حکایه سی

چهارشنبه ۱۱ بهمن ۱۳۹۶ ساعت: 0:59 توسط:شیروانلی

اوغلوم قوروخ او خاتیندان که خوروزدان یاشماق توتور

هپپلی هپپوو اوغلانین حکایه سی

بیری وار ایدی، بیری یوخ ایدی، تانریدان باشقا کیمسه یوخ ایدی و بیر کؤر اوجاق ار ایله خاتین وار ایدی کی بوتون تانیشلارین چاغالارینی پیسله ییردیلر.

نئیچه ایل بئله کئچر کن، تانری کؤر اوجاق ارنن خاتینا بیر اوغلان وردی و اوغلان کاتا اولونجا آنا و آتاسی گؤردیلر کی اونلارین اوغلو باشقالارین چاغالارینا گؤره پککه، که لوو و هپپلی هپپوو دی و اونا گؤره اؤز بالالارینا هپپلی هپپو آدینی تاخدیلار.

هپپلی هپپوو یواش- یواش اولدو یئنی یئتمه بیر اوغلان و آنا - آتاسینا دئدی من خاتین ایستی من. هر نه آنا-آتاسی دئدیلر کی هپپلی هپپوو جان خاتین یولا ائرتمک چوخ زور و چتین دیر، آنجاق فایده سی اولمادی و سان هپپلی هپپو یا خاتین آلدیلار.

هپپلی هپپوو نین خاتینی گؤردو کی هپپلی هپپوو دان اونا یار اولماز و اؤزونه بیر اؤینش تاپدی.

بیر گون هپپلی هپپوو اؤیدن چخدی و باشقا گونلره گؤره تئز اؤیه قایتدی و هؤیلییه گیرن تکین، خاتینی اؤینشی پرده آرخاسیندا گیزلتدی و بیردن گؤزو اؤینشین کولته سینه دوشدو و یاشماغی باشینا سالدی و کولته نی ده یاشماق آلتیندا گیزلتدی.

هپپلی هپپوو گیردی اؤیه و خاتیننا دئدی اؤیده کی کیمسه یوخدو سن کیمدن یاشماق توتوبسان؟

خاتینی دئدی: بو بیزیم خوروز دا ائرکک جنس دن دی و گؤردوم منه پیس-پیس باخیر و اونا گؤره یاشماق توتدوم خورزدان. خاتینین سؤزلری هپپلی هپپوو یا چوخ خوش گلدی و اونو سئویندیردی.

هپپلی هپپوو اؤیدن آیریلدی و سئوینه-سئوینه دوز گئتدی آتاسینین یانینا و آتاسینا دئدی: آتا جان بوگون گئتدیم اؤیه و گؤردیم کی خاتینیم یاشماق توتوب، سوروشدم اؤیده کیمسه یوخ ندن یاشماق توتموسان؟ دئدی گؤردیم خورز منه پیس-پیس باخیر و اونا گؤره یاشماق توتدوم و گؤره سن منیم خاتینیم نقدر دوزگون خاتین دی.

هپپلی هپپوو نین آتاسی ائلینی گویدو اوغلونون تاراقیندا و اونو بئله دئدی: اوغلوم قوروخ او خاتیندان کی خورزدان یاشماق توتور.

سؤزلوک:  Sözlük

هپپلی هپپوو : بیش از حد ساده و عوام Həppelihəppov

که لو: گیج، ساده، دیر فهم Kəlov

پککه : نفهم، خول و   Pəkkə

تانری : خودای، خدا

تاراغ، داراغ : جین، شانه، کتف

اؤی : خانه

کویلته : پاپاق، کلاه و کلاه نیز همان کویلته می باشدKültə

هؤیلی : حیاطHöyli

اؤینش : معشوقه

..........

 یاشماق : از رسوم کهن ترکان به معنی نیمه پوشاندن صورت و تمرین سکوت در برابر بزرگتر است این عمل نوعی قداست محسوب می‌شود و در میان شاهسون ها، ترکمنان و افشارها ادامه دارد

 هپل هپو : در تداول عامه، بی ترتیب و بی قانون .