آخیر چرشنبه دب لری
+0 به یه ن
🔥آخیر چرشنبه دب لری
اینانلو ائلی
ننم‌گیل سوواق توتوب، دام-دووارین اوچان یئرلرین یاماردیلار و سوپورگه نن اوتاق‌لاری بویاردیلار و دووار لارا ناققیش ووراردیلار
ایلین آخیر چرشنبه‌سینه یاخینلاشدیقجا ننه‌لر ،قیز-گلین لرینن بیرلیکده ائو ائشیگی سلیب و سوپورردیلر وتوز توپراقین آلاردیلار.
چرشنبه گۆنۆ ننم ساجین آلتین یاندیریب و یوخا یاپاردی و بیزده سئوینردیک کی ننم شاما سوت آشی پیشیره‌جک
چرشنبه گونو گئدردیلر بازارا و چرشنبه یئمیشی و گۆزگۆ (guzgu) ، داراق و ساخسی کوزه آلاردیلار
چرشنبه آغشامی اوغلان آدامی آداخلی قیزا خونچا و پای آپاراردیلار دده‌لر قیزلارینا پای یوللاردیلار
آخیر چرشنبه آغشامی اود یاندیریب و اوتون قیراغیندا دورب و دوعا ائلردیلر کی بو ایل یاخشی- پیس سووشدو تزَه ایلیمیز یاخشی اولسون و گئجه‌نین یاریسیناجاق اوشاق، قیز و گلین اوتون اوستوندن آتیلیب و شادلیق ائلردیلر
آتیل باتیل چرشنبه
آینا تکین بختیم آچیل چرشنبه
آغیرلیغیمیز و نوخوشلوغوموز تـٶکۆلسون اوتا و اوتو سوندورندن سورا قیراغینا داش دۆزردیلر و سحر گلیب باخار دیلار کی گـٶرک آلتیندا نه چیخیب
چرشنبه گئجه باجالاردان قورشاق (شال) ساللاییب و اونادا جوراب، آلما و یئمیش باغلاردیلار
چرشنبه گئجه سی قیز-گلین لر اٶز گله‌جک‌لرینه گـٶره نیت توتوب، باجالاردان و قاپی- پنجره دالسیندان ائوده‌کی‌لرین دانیشماغینا قولاق آساردیلار و اونا گـٶره ده ائوده‌کی لر او گئجه یاخشی سـٶزلر دانیشاردیلار همی ده دُورد یول آراسیندا دوروب یول دا دانیشانلارین سـٶزلرینه قولاق آساردیلار
اینانلو ائلی - آزربایجان -مرند