خوراسان زیارتینه مشرف اولماق قایدالاری

 

زیارته نایل اولان زووارلار ائولرینده ناهارو شیرینی قویوب. کندین(قالاین) چاوشونو چاغیراردیلار. ائل – طایفاسی دٶورهسینه توپلانیب اونو یولا سالماق اوچون سلام تپه سینه کیمی گئدردیلر. هرکندین شهریولونون  آغرزیندا اولان تپه سینه ، "سلام تپه سی" دئیردیلر. کند اهلی او تپه دن زووارلاری امام قوللوغونا یولا سالاردی، زووارلار دا زیارتدن قاییدان زمان یئنه ده او سلام تپه سیندده دایانیب، کنداهلی اونون قاباغینا گاردیلر و چاوش سسلئه – سسلئه زووارلاری کنده آپاراردیلار. زیارته گندنین بوینونا یاشیل پارچادولاردیلار. هامی خوراسانا گئدنین کیم اولدوغئنو بیلردی.

 

    زیارته نایل اولان زووارلار ائولرینده ناهارو شیرینی قویوب. کندین(قالاین) چاوشونو چاغیراردیلار. ائل – طایفاسی دٶورهسینه توپلانیب اونو یولا سالماق اوچون سلام تپه سینه کیمی گئدردیلر. هرکندین شهریولونون  آغرزیندا اولان تپه سینه ، "سلام تپه سی" دئیردیلر. کند اهلی او تپه دن زووارلاری امام قوللوغونا یولا سالاردی، زووارلار دا زیارتدن قاییدان زمان یئنه ده او سلام تپه سیندده دایانیب، کنداهلی اونون قاباغینا گاردیلر و چاوش سسلئه – سسلئه زووارلاری کنده آپاراردیلار. زیارته گندنین بوینونا یاشیل پارچادولاردیلار. هامی خوراسانا گئدنین کیم اولدوغئنو بیلردی.

 

    زووارلاری یولا سالانلار، اونون الیندن، اوزوندن اوپوب، التماس دعاائله ییب "منی اونودمایین" دئیردیلر.کناهلی زووارین جیبلرینه پول قویوب، آغلایا- اغلایا(ییغلایا) یولا سالاردیلار. زووار ایسه جیبینه توپلانان پولاری امامین آتیب، اونلاری دوعا ائیلر. چاووش سسلننده کندی ده للگی(سلمانیسی) یئرده دستمال سریب، چاووشا پول ییغاردی. بو قانولار وارلی یا یوخسولا شامل ایدی. زووار خوراساندان قاییداندا دا یئنه جماعت کندن تٶکولوب سلام تپه سینه چاووشون سسی ایله قاباغا گئدردیلر.

 

    زووار زیارت گونلرینده مشهددن لازیمی قدرنخود – کشمش آلیب، اٶزو ایله آپاردیغی قورو چٶره گی اوغوب اونلارا قاتیب تبرک اولسون دئییه بیر توربانین ایچینده امامین حرمینه سورتوب، قاییدان باش اونو کنده گتیریب، زیارته یوللانان زامان بوینونا سالیندیغی یاشیل پارچانی تیکه – تیکه بٶلوب، اراسینا تبرک ائتدیگی سوغاتدان باغلاییب، ایسته دیگی آدملارینا وئرردی. بیر ده مشهدین گٶزل سوغاتلاری امامین تورپاغیندان دوزلن موهور – تسبیح ایدی. زووارلارکند اهلینه سوغات گتیرردیلر، کند اهلی ده بیر کلله قند ایله اونلارین گٶروشونه گلردیلر. بیر هفته دن سونرا زووارین بوخچاسی آچیلیب او تبرک اولان سوغاتلاری پایلاناردی.

 

    یازان: رحیم اسدلهی (درویش)- سرعین

 

    قایناق: آذربایجان ائل بیلیمی بولتنی – اسفند 1390