اوروجون اثرلری
حسین واحدی :
اوروج (روزه) ، اینسانلارین، قوروجولوقلاریندا (سازندگی)، دوشونجهایله ایراده لرینین گوجلندیرمه سینده، فضیلت ایله معنویت لرینین باخیمیندا، روحسالکماللاریندا، ایچه ری صفالاریندا، چوخ مهم رولو عهده سینه آلیر. باشقا دئمکله،موبارک اوروجلوق آیی، اینسان ده ییشیلن بیر آیدیر، و روحویلا، ووجودوندا باشقا بیراینقیلاب اوز وئریر...

علمین گلیشمه سیله (پیشرفت ایله) و دوکتورلوق سیناقلار (آزمایشات)ایله آراشدیرمالاری اوزوندن، اوروجون فایدالار و اثرلری اینسان اوستونده بللیاولوبدور و چوخلو مریضلیک لرین درمانیندا، میثال اولاراق: قان سیخینتی سینین آشاغیگلمه سی، بدنین فضولاتینین چوخونون یانماسی، مزاج اورتاقلیغی، معده نین گوجلندیرمهو تمیزلنمه و دینجلمه سینده، ... چوخ ائتکیلیدر (مؤثر دیر) ، بونلارین هامیسیسلامتلیکده، مریضلیکلرین آرادان آپارماسیندا،  نفسین صحت ایله سئوینجینده، حساس نقش لریواردیر. تانری ائلچیسی(پیامبر) (ص) بونا گؤره بویورور: «ساغلیقلی (سالم) قالماغینیزاوچون، اوروج توتون.» (1)

سحر اذانیندان، آخشام اذانینا کیمین، بیرزاد یئمه مک و آغزی باغلیساخلاماق، معده نین بوتونلوغونون یووولماسینا سبب اولور و معده نین بوش اولماسیفایدالی اولاراق، بدنی حاضیر، معده نی تمیز و اینسانی گولر اوزلو و سئوینجلی ائدر،بودا اوروجون روحسال (روحی/ روانی) اثرلریندن ساییلیر، بو ایش جیسم ایله روح دااؤزل (خاص) بیر راحاتلیق یارادیر.

اوروجون، چوخلو مادی و جیسمی فایدالاری وار، آمما بو ایلاهیقایدالارین اساس هدفی، اینسانلارین ابدی سعادت ایله معنوی تکاملودور، اونون اوچونشکسیز اوروجون معنوی فایدا و اثرلری، جامعه نین قوروجولوغوندا و دوشونجهگلیشیمینده (رشد فکری)، روح تقویتینده و اینسانین ابدی کمال ایله سعادتیتینده،اونون مادی و جیسمی فایدالاریندان قات – قات داها چوخدور.

«اوروج، داها مهم و ده یرلی عبادتدیر» (2)، شرع و ماهیت ایلهدئییلیرسه (بودا مقدس ایسلایمن شرعیدیر) و یئرینه یئتیریرسه، اؤز قوروجولوغوندا(خود سازی)، نفسین تزکیه ایله تهذیبینده چوخ تأثیرلی اولاجاقدیر و «اونو قصد ایلهاولاراق ترک ائتمک کفر اولوب، سهو ایله ترک ائتمک ایسه گوناه ساییلیر و اوروج یئین(گوناه ائدن) ، اونون کفاره وئرمه سینه گرکلیدیر». (2)

ایسلامیمن عزیز تانری سؤزچوسو (ص) بویوروبلار: یارادانیم! اوروجون اثریندیر؟ جاواب ائشیدیر: «اوروجون اثری حکمت دیر، حکمت ایسه (نیز)، معرفت گتیرر ومعرفت ایسه یقین وئرر، اینسان یقین مرتبه سینه یئتیرن زامان، چتینلیکده یاداراحاتچیلیق ایله رفاه دا یاشاماغین اونون اوچون هئچ قورخوسو یوخدور». (3)

ایسلامی روایت لره گؤره، اوروج ایسلام بینالارینین بیریدیر و گوجوئریجی (نیرو دهنده) ، ایمام محمد باقر (ع) - ین بویوردوغونا گؤره: «اوروج بدینینزکاتیدیر». (4) بئله جه (همچنین) اوروج لاپ یوخاری جهاد (5) ، اودون قالخانی (سپرآتش) (6) ، جننته گئتمه یین سببی ، قیامتین چتینلیکلریندن قورتولماق، شیطانیناوزونون قاراسی و ان بؤیوک عبادت ساییلیر و یالنیز (فقط) تانری اونون پاداشین وئرهبیلر و اوروج توتانی اؤزونون خاص بنده لریندن قرار وئرر.

اوروج توتان؛ قوناق و تانرینین عنایتینده اولان، ملاکه لریندوعالارینین ایچینده و حضرت حق - ین باغیشلایانلاریندان تانینیب دیر و اوروجتوتانین یوخوسودا عبادت، نفسلری تسبیح حئساب اولور.

تانریم: پاک و کرامتلی سؤزچو (ص) – ین، سلام گؤنده ریریک و بو سنهباغلانما گونلرینده، منی ایمانین لاپ کامل مرتبه لرینه یئتیره سن، اومود ائدیرم،منیم یقینیم ، یقینین لاپ فاضل و ده یرلی درجه لرینده قرار تاپسین، منیم دوشونجمایله نیت-یم لاپ یاخجی نیت لردن اولسون.

تانریم: احدیت قاپیندان، بو موبارک گونلرده ائتدیییم ایشلری، یوکسکروتبه (مقام شامخ) و اؤز اعلا حددیین، ترفیع و دوغرو اولماسالار، اصلاح ائده سن.

تانریم: من، گوناه ائدن بیری اولاراق، سن تکجه معبود و معشوقدانیاردیم (کمک) ایسته ییرم، منیم نییتیمی، لطف و کرامت، رحمان و رحیم اولدوغوناوچون، نییتیمی بوتون و خالص ائده سن و یقینیمی ثابیت و قالیجی قرار وئره سن، سونسوز(بیکران/بینهایت) و اوجسوز- بیجاقسیز (لایتناهی) گوج ایله باجاراغین اوچون، منیملهو و لعب ده کئچن هر نهییمی بو رحمت آییندا، مغفرت ائدیب باغیشلایاسان. (3)

الهی آمین یا رب العالمین

اتک یازی

1.   مستدرک / ج 1، ص 588

2.   فروع دین، غلامحسینرحیمی، ص 15

3.   مستدرک / ج1، ص 59

4.   وسایل / ج 7، ص 289

5.   ایمام صادق (ع) بویوروبلار:« لاپ یوخاری جهاد، ایستیده اوروج توتماقدیر».

6.  تانری ائلچیسی (ص) بویوروبلار: « جهننم اودوندان قورونماق (حفظاولماق) اوچون، اوروج بیر قالخان (سپر) – دیر».