نویل اؤدوللو پروفسور دکتر عزیز سانجار: بی‌بی‌سی‌یه سؤیله‌دیم : من تورکم!

نویل اؤدوللو پروفسور دکتر عزیز سانجار: ان چوخ اؤلکه‌م اوچون سئویندیم

سوئد کرالیت بیلیم آکادمیسی طرفین‌دن نوبل شیمی اؤدولونه لاییق گؤرولن پروفسور دکتر عزیز سانجار، بی‌بی‌سی‌نین "سیز عرب سینیزمی؟" سوالینا، "من تورکم، او قدر. ماردینده دوغولموشسام جیزره‌ده دوغولموشسام، قارس‌دا دوغولموشسام من تورکم" جاوابینی وئردی.

 

ایللرجه وئردیگی امک‌لری آردین‌دان اؤدوله لاییق گؤرولدوغو اوچون بؤیوک سئوینج دویدوغونو ایفاده ائدن پروفسور دکتر عزیز سانجار، "ان چوخ اؤلکه‌م اوچون سئویندیم. تورکیه‌یه بیلیم لازیم، گوج وضعیت‌دن چیخیب آوروپا سویه‌سینه چاتیلماسی اوچون بیلیم لازیم‌دیر. او یولدا قاتقی سوندوغوم اوچون ده چوخ سئوینج‌لییم" شکلینده دانیشدی.

قوزئی کارولینا اونیورسیته‌سی طب فاکولته‌سی بیوشیمی و بیوفیزیک بؤلومونده ایشلرینی داوام ائتدیرن سانجار، بؤیوک اؤدول سونراسی دویغولارینی پایلاشدی.

اؤدولو آلماق‌دان بؤیوک شرف دویدوغونو ایفاده ائدن سانجار، سؤزلرینی بئله داوام ائتدیردی:

"منیم اوچون، ائتدیگیم آراشدیرما‌لار، وئردیگیم امک اوچون طبیعی کی بؤیوک ممنونیت وئریجی بیر اؤدول. آیریجا عائله‌م اوچون سئویندیم.. آنجاق ان چوخ مملکتیم اوچون سئویندیم. چونکو تورکیه اوچون منجه بیلیم لازیم، تورکیه‌نین گلیشمه‌سی اوچون، بو گوج وضعیت‌دن چیخیب آوروپا سویه‌سینه چاتماسی اوچون بیلیم لازیم‌دیر. او یؤنده قاتقی سوندوغوم اوچون چوخ سئوینج‌لی‌یم. "

اؤدولو آلدیغی‌نین دویورولماسین‌دان سونرا اؤزونه دونیانین بیر چوخ مئدیا قورولوشون‌دان اولاشدیق‌لارینی و بون‌دان سئوینج دویدوغونو ایفاده ائدن سانجار، آنجاق بعضی مئدیا اورگان‌لاری‌نین سواللاریندان‌ و سوسیال مئدیادا اؤزونون کؤکنینه دایر آچیقلامالاردان راحات‌سیزلیق دویدوغونو دیله گتیردی.

اینگیلیس یایین قورولوشو بی‌بی‌سی‌نین تلفن ائتدیگینی بیلدیرن سانجار، "منه عرب سینیزمی، قیسما می تورک‌سونوز دئیه سوروشا‌راق سایقیسیزلیق ائتدی‌لر. بی‌بی‌سی‌یه سؤیله‌دیم، عربجه دانیشمیرام، کوردجه دانیشمیرام، من تورکم دئدیم".

 آیری خبرلر : بوردا