آذربایجانین شیفاهی ادبیات و فولکلورو؛ صفر آیی نین آخیر چرشنبه سینده مینجیق سالما دبی  

آذربایجان تورک موسلمان خالقینین ایناجلاریندان اولان بایاتی و یا خود مینجیق فالی خالق روایتلرینده بئله نقل اولور کی: خانیم فاطمه زهرا (س) بو آیدا چوخ آغیر گونلر کئچیرمیش بئله بویورموش کی هر کیم بو آیین آخیرین منه خبر وئرسه اونا موشتولوق وئررم. اونا گؤره ده آذربایجان تورک ائللری  بو آیی نحس بیر آی بیلیرلر و حتی بیر شئی دوشوب سینان زامان بونا اینانیرلار کی تانری اوچونجو بلانی ده اوزاق ائله دی…

ایمام زادا باغلاری      یاشیلدی یاپراقلاری

نذریم قبول اولدی       یاندیرین چیراقلاری

اورمیه شهرینده بو اینانجلارا دایاناراق صفر آیینین آخیر چرشنبه سی بایاتی فالی یا مینجیق سالما مراسیمی کئچیریلر. بو مراسیمده حاجتی اولان قادین لار و قیزلار بیر گون اؤنجه دن نیت ائدیب نیشان اولاراق بیر مینجیق ، اوزوک یا سانجاقی سویلا دولو بیر ساخسی کوپه نین ایچینه سالیرلار.. همین گونون آخشامی ساخسی کوپه نی قیبله یه ساری اولان بیر نوودانین آلتینا آسارلار..

چرشنبه گونون سحری بیر ایکی آغ بیچک قادین مسجیده گئدیب ایکی رکعت صوبح نامازی قیلاندان سونرا بو بایاتی نی اوخویارلار..

سو گؤرموشم یا علی    یوخو گؤرموشم یا علی

موشگول ایشیم دوشوبدور    موشگول آچان یا علی

همین گون ناهاردان سورا هامی بیر ائوه ییغیشیب خیرداجا بیر قیز اوشاغینی کوپه نین یانیندا اوتوردوب اوشاغین باشینا چادرا چکرلرائله کی کوپه گؤرونمه سین. بایاتی بیلن یاشلی بیر قادین بایاتی اوخویار و اوشاق هر بایاتی اوخوناندا بیر مینجیق کوپه دن چیخاردیب بایاتی قورتولاندان سونرا گؤرسه در.. مینجیقین صاحابی مینجیقی آلیب اوخونان بایاتی نین مضمونونا گؤره اؤز نیتین یوزار… دئمک لازیمدی کی گنج قیزلار چوخ وقتلرر نیتلری بو اولار کی گوروسن بو ایل منیم بختیم آچیلاجاق یا یوخ و بئله لیکنن اوز  جاوابلارین بو فالدان آلارلار .

 

قایناق : دورنانیوز