کیتاب تانیتیمی ناغیللار بوقچاسی
+0 به یه ن
کیتاب تانیتیمی ناغیللار بوقچاسی
خوراسان بؤلگه‌سی تورکلری'ندن گؤزل و ده‌یرلی بیر چالیشما...
کیتاب تانیتیمی ناغیللار بوقچاسی
خوراسان بؤلگه‌سینده یاشایان تورکلرین فولکلوروندان اؤیکولر
یازار: اسماعیل سالاریان
بیلیندییی اوزه‌ره ایران‌دا تورکلر اؤته‌کی ائتنیکلرین ترسینه –کی، بؤلگه‌سل و محللی داغیلیما صاحیبدیرلر- اؤلکه‌نین گئنه‌لینده و هر یئرینده یاشاماقدادیرلار. ایران‌دا تورکلرین یاشادیغی ان اؤنملی بؤلگه‌لردن بیریسی ده تورک کولتورونون تاریخی بئشیکلریندن و قایناقلاریندان اولان خوراسان بؤلگه‌سی‌دیر.
گونوموز خوراسان بؤلگه‌سینده تورکلرین نوفوسو یاخلاشیق 5 میلیونون اوزه‌رینده‌دیر.
خوراسان بؤلگه‌سینده تورک دونیاسی‌نین بیر چوخ بؤلگه‌سینده راستلادیغیمیز تورک بویلارینا عئینن راستلاماقداییق و خوراسان بؤلگه‌سی تورک بویلارینین چئشیتلی‌لییی آچیسیندان بلکه ده ان زنگین بؤلگه‌لریمیزدن بیریسی‌دیر.
خوراسان بؤلگه‌سینده‌کی بللی-باشلی تورک بویلاریندان شونلارین آدلارینی وئره‌بیله‌ریک:
1-بایات 2- قاراچورلو 3- ایمرالی 4- بوکانلی 5- جویانلی 6- پهلیوانلی 7- بورانلی 8- قیلیج‌قانلی 9- تیمورتاش 10- ناردین 11- قووداری 12- آوشار 13- قاراقویونلو 14- گرایلی 15- انایولو 16- قارایی 17- ابی‌وئردی 18- اجرلی 19- قاجار 20- قیزیلباش 21- اؤزدمیرلی 22- بوقمنجی 23- اؤزبک 24- بلوی 25- جانی قوربانی 26- چاغاتای 27- شاهسئون 28- جالاییر 29- جاوانشیر 30- چوله 31- خلج 32- ساروانلی 33- شاملی 34- قارشی قیزیلی 35- قاراگؤزلو 36- کهیرلی 37- بوباشی 38- تاتار. و باشقالاری...
باشقا تورک بؤلگه‌لرینده اولدوغو گیبی خوراسان بؤلگه‌سینده یاشایان تورکلر ده چوخ زنگین بیر خالق ادبیاتینا و فولکلور اؤرنکلرینه صاحیبدیرلر.
سؤز قونوسو تانیتیلان کیتاب‌دا خوراسان بؤلگه‌سینده‌کی تورکلردن درلنمیش اولان بیر چوخ داستان و اؤیکویه یئر وئریلمیشدیر.
اومود ائدیریک کی، بوتون تورک بؤلگه‌لریمیزده دویارلی آیدینلاریمیز و گنجلریمیز سایه‌سینده فولکلوروموز، ناغیللاریمیز و اؤیکولریمیز جیددی بیر بیچیمده درنه‌له‌رک یایینلاناجاقدیر.
بیز بو کیتابین یایینلانماسینی بوتون تورک‌ائلی'نه و تورک اولوسونا تبریک ائدر و اولوسوموزون داها دا حاق‌ائده‌جه‌یی یئرلره گلمه‌سینی دیله‌ییریک.
اویاری و آچیقلاما: خوراسان تورکجه‌سی (تورکی خُراسانی) تئریمی یانلیش ایفاده‌دیر. ایران تورکجه‌سی، آذری/آزری تورکجه‌سی، آزربایجان تورکجه‌سی، همدان تورکجه‌سی، سونغور تورکجه‌سی، قاشقایی تورکجه‌سی، بوچاقچی تورکجه‌سی، خلج تورکجه‌سی و بونلار گیبی ایفاده‌لر یانلیش ایسه خوراسان تورکجه‌سی تئریمی ده بیر او قدر یانلیشدیر.
بیزیم دیلیمیزین و اولوسوموزون آدی یالنیز و یالنیز 'تورک'دور.
باتور اولجایتو تالای
@Turkeline_Dogru
https://t.me/turkeline_dogru/1662
-علاقمندان
و دوستداران کتابهای 1-تمثیل و مثل ترکی خراسان و 2- داستانهای ترکی
خراسان می توانند برای خرید پستی این کتاب ها و ثبت نشانی خود به نشانی
لینک های زیر مراجعه کنند:
تلفن پیامک و تلگرام : 09159766066